精選文章

2012-2017 HKDSE Math 歷屆數學不同級別(Grade)所需分數 cut off 及其分析

本文目的:
坊間 cut-off 出處係邊?準嗎?啲 cut-off 原貎(原始數據)係點?真實 cut-off 係幾多?啲 cut-off 數據,有否反映出其他資訊(如考卷深淺變化)? 本文希望能為此提供答案。(如有問題請留言
(一) 坊間 Cut-off 來源:某大討論區 網上所有 Cutoff 資料,其實全出自某學生討論區,佢地每年都收集分數 (覆卷考生無私交出 check 卷結果),再整理 得出大約既 Grading 分數*,使莘莘學子得益。
(*係大約咋,下文會講點解係大約,同應該點用呢啲數據)

(點解考試局唔公開呢啲資料呢?好多外國公開試都有咁做。)
(唔唔,應該係,除非唔係。)

2017 DSE Econ 卷一 Paper 1 MC 詳解 (應該係最詳細既答案)(Part 1 Q1-Q25)

自有DSE ECON以來每年都最快,最啱,最詳細既答案!
(未必做長題目啦,因為遲d就有marking scheme,睇下會唔會多人想我做啦,想就留言~ )

總結一下,今年卷一程度同往年差無幾,但就出多左 AD-AS,呢個 topic 好似都出得難左少少,而呢 part 亦都係同學(老師都係)比較弱既。

Q1-10   CCDDD ABDAB
Q11-20 CAACB BDCDA
Q21-30 DCDAA ABCBA
Q31-40 BACCA CBBDD*
Q41-45 BCBAD

(答案紅色代表問題可能出錯)
(*Q40 我估極大機會delete,舊年delete左2條

▲er 問題有少許錯誤: Q20
⏫err 問題有頗大錯誤: Q7
*skl 有技巧:Q8, Q16
'faq 有常犯錯誤:Q17



1
為賺錢,所以係市場機制

2
A唔啱,因為可以借一個蘋果還一個多一啖
C啱,因為冇scarcity, 冇人需要借野,所以利息亦唔存在。

3
A。若物品零邊際成本會形成 自然壟斷 (natural monopoly),即一家廠商生產會較便宜。

4
損失應該是指價值上的降低

5
有限公司有法律地位,可以告人同比人告。



6) (1)對,因債券價值較少波動
(2)通脹下公司利潤改變不明,但一般都會多賺(股價會升或多派息)
(3)視乎間公司賺幾多,同佢既派息政策

7⏫err
工人生產力=產出/投入;因Output好可能增加(或不變),但總工人(工時)少左,工人生產力升。
C唔啱;應該唔影響
D可啱可唔啱;若工人要學用機器人,技術提高,可能會減低他們的職業流動性。
(雖然錯得多,但C始終較合適,應該唔會要delete)

8)*skl
可用TC方法計,會快少少 (MC方法應該個個都識用啦~)
先計原總成本(AC x Q):
5-9件分別:50,66,84,104,126
再計總收入 (P x Q):
5-9件分別:100,120,140,160,180
兩者相減得出總利潤:
5-9件分別:50,54,56,56,54
所以原利潤為56。

新總成本: (每件升2蚊)
5-9件分別:60,78,98,120,144
再計新總利潤:40,42,42,40,36

9
基本上屬同類物品,大致係替代品,C不對,賣鞋先係 lateral。

10
可變成本為當你多生產要多付的成本。



11
labour supply:
原: 30x10 = 300 man-hour
新: 35x8 = 280 man-hour

生產力:
原:3000/300 = 10 units/man-hour
新:2900/280 = 10.36 units/man-hour

12
願意高價買者即商品對其價值最高
B錯,因為應為需求量
C錯,因為價升,量跌,利潤未必多
D錯,因為生產者分唔到錢,再者,show已開不能再加

13
A係答案,因為消去入口關稅,使平價品相對價格變平(其價格跌的%多啲),應該輸入會增加。
B海鮮與雪藏魚兩者性質不同,不能比較
C考你知否 ad valorem tax 即百分比稅(相對價格不變,所以比例不變)
D為what to produce問題

14
替代品少了

15
同量 ➜ 垂直需求; 總開支不變 ➜ 價量改變百分比相同



16)*skl
(通常呢啲一定要逐個答案睇既問題 (我稱之為 open-end) 我會由D開始睇,)
2017 DSE Econ 卷一 Paper 1 MC Q16
D錯;原總收入:100x10=$1000;新總收入:90x11=$990;跌$10
C錯;總稅收為90x2=$180
A錯;未 net of tax 就 990,net of tax 就 990-90x2=$810 (考你會唔會眼大睇過龍)
B啱;(這選項較費時,我會放最後做)原價$10,新價$11,但要比政府$2,所以賣方實收$9,比之前少$1。新均衡數量90件,所以賣方負擔90x1=$90

17)'faq
需求跌,劣等物品(inferior good)即收入與其需求成反比,所以收入升,買少啲;供應跌,生產成本升,賺少左,所以做少啲。用供需圖可見,需求跌,供應跌,價錢可升可跌(視乎供、需那個跌多)。
FAQ: 有學生經常會咁諗,成本高左,咁要做多啲先可賺番喎!
錯!
錯係邊?唔係你做左出黎,就有人買架!冇人買的話,你做左,都唔會賺得番,反而會做完賣唔出蝕多啲添。
應該咁諗,一個企業家,可以有唔同生意做,如果呢個行業成本高左,賺少左,咁咩轉做其他行業囉,點解要困獸鬥啫?

18
D錯:兩個原因:
唔洗整咁靚,因為第一租唔值錢,整再靚都賺唔番;
第二大把人想租,唔洗點同其他租盤競爭。

19
monopolistic competition(壟斷性競爭) 同 Perfect competition 係近親;
例子係一間商場入面既一啲時裝店[boutique](利時、葵涌廣場之類),有好多,賣既野差無幾,但又總唔會一模一樣。
(2) 意即它們每家各自面對一條下斜的需求曲線,加價會少啲人買,減價可增加生意,所以要搵一個最賺錢的價錢去定價。(與壟斷相同)
(4) 細間,所以好易加入

20▲er
A;偏遠地區通常人口較窮(如天水圍)(其實呢個答案都唔係完全啱,不過其他錯多啲。譬如深水埗在市區中心,但都窮)
B錯;收入平均與否,與分配公平與否無關
C錯;正常派錢應會改變分配(不過真的有可能不變,譬如得兩個人,原本收入7:3分,我將1000用7:3分比佢地!)
D錯;分左錢唔代表會勤力左



21
堅尼系數升

22
(3)(4)可以一齊諗,易好多,因為佢地係選項中係一齊出現。
(3)有人津貼會肯去遠啲做野
(4)因為受助的係窮人,佢地收資助所以降收入差距
所以佢地啱
(1)啱因為有啲家庭煮婦會因此出黎打工,而佢地之前唔係勞動力市場度(非在職亦冇去搵工)
(2)錯因為佢地較基層,做既工作增值唔高(反映係佢地人工度),所以應會拉低生產力

23
有效最低價格(price floor)要高於均衡價;替代品價升,買少了,於是轉向物品X,其需求升。

2017 DSE 經濟 卷一 Paper 1 MC Q23
(如圖)會出現一個loss,一個gain,所以可升可跌。

24
配額降,供應向左,新均衡為E2

2017 DSE 經濟 卷一 Paper 1 MC Q24
(1)啱;新均衡在舊的左上方,即價升量跌,所以總開支可升可跌
(2)啱;CS跌(少左梯形P1E1E2P2)
(3)錯;TSS必跌,因多左ABE1E2梯形的Deadweight loss(淨損失)[原有的CS+PS][或:買賣雙方價值差異(需求與供應的垂直差距)]

25
只需計該生產單位的「產出減投入」,佢冇比稅,所以市價計與否冇關。

留言

  1. 第9題係C呀,你個腦裝屎架?

    回覆刪除
    回覆
    1. 多謝留言,如果閣下係:
      A)應屆考生,真心希望你中英文可以攞到3。講野冇重點冇point冇解釋冇說服力係有d難。
      B)d所謂唔敢出答案或解釋既「補習導師」,希望你唔會教錯哂你d學生啦~
      C)所謂「名師」既打手,恭喜你可以加到最低工資(5月1號實施)!

      我就估係C。
      歡迎讀者一齊留言競猜。

      P.S. 小弟 Profile 都叫做對 econ 有淺白既認識。未知留言者係咩背景呢?
      如果閣下係(A)應屆,下年想搵我補習,收唔收好呢。。。

      刪除
    2. 我只係唔想你話自己最快、最o岩。你呢一刻肯唔肯定自己能夠錯最多3題??

      刪除
    3. 有料而覺得自己掂,叫「自信」;
      冇料而覺得自己掂,叫「自大」;
      仲要冇禮貎污言穢語者,直情係「自卑」。

      我啱唔啱,快唔快,錯唔錯,
      第一,唔係我自己講,你試下 google 打"dse econ 2017/16/15/14" 或者任何一年,睇下小弟個網排第幾?我粗略咁試過都係頭一兩個,排得前自然代表有一定公信力。
      第二,就算錯,我都有哂解釋,同學們可自行判斷邏輯是否正確。間中真係有d打錯左個答案(近兩年已近乎冇)。
      第三,我當年考會考高考,都A1,錯都唔過3條,依家出黎教左十幾年書,睇錯問題總有機會有,不過多過3條真係冇可能。

      最後我想講,我出post,可以令有需要既學生,睇得明條問題點解係咁答。我亦會解釋錯答案點解錯,從而學識點樣讀Econ。你話我宣傳好,乜都好,自問咁多年出既答案,都幫到下d學生。

      而呢位5月2日留言既閣下,身分同名唔敢留,又無禮,純發洩。其他人唔知你係邊個,但你自己知。人犯錯總會有,錯而能改,善莫大焉。

      刪除
  2. 回覆
    1. 謝謝留言。
      係C,之前寫得有點唔清,已改。

      刪除
  3. HI 請問下第4條MC問loss果條 其實個loss如果理解做externality果課既society loss 其實答案都有可能係A? 例如好似佢option2話會減低個business既image 如果business A既IMAGE下降 咁business B自然會得益 咁對於society as a whole黎講個loss咪抵銷左 最後society應該冇loss先係 雖然對於business A黎講仍有private loss 但個loss始終只係影響間公司個體而唔係影響成個經濟 所以option2,3都算係冇LOSS?

    BTW我比較想知既係呢條問題其實係咪問得唔清楚?? 個LOSS理解為reduction on value / private loss social loss都合理 但係思考方向就完全唔同。。得出既答案都唔同?

    回覆刪除
    回覆
    1. 謝謝你的問題。
      首先,你的問題很好,質量很高(但無標點符號,睇得有點亂)。

      我將你問(17年MC卷第4條)既問題整理做4點:
      1)題中指的loss是否同Externality課題的loss?
      2)選項(2)鐵路企業型像跌,競爭對手便會升,抵消對economy的影響?
      3)個體loss是否*不等於*整個經濟的loss?
      4)此問題是否出得唔好?問得唔清楚?

      答覆如下:

      1)其實dse無好確切咁教咩叫loss。咁就應該由最基本概念 make choice 去諗。

      make choice 目的就係要 gain。而 gain 者,好明顯係價值上升。例如我用我手上$5,買左一罐我覺得係值$6既汽水,所以賺左。

      loss 自然係相反既意思 ── 價值跌 ── 無論在那課題意思都是一樣。

      題中問鐵路delay對economy影響。這必然是externality課題,因鐵路一方行為,要他方(economy)承担。

      2)有可能。但能完全抵消機會不大。
      試想想,若傳「可口可樂」生產線有老鼠,啲人唔飲佢,係咪全部會轉飲「百事」?未必吧。有人應會唔再飲汽水。

      若真係另一企業型像提升,而剛好扺消左鐵路型像跌,咁冇錯對economy係會冇loss。

      但第一,如前所述這個機會不大;第二,選項(3)應啱(見下文),答案沒有(1)&(2)only。

      3)個體loss 絶對會令整體經濟loss,因為整體經濟,就是由每一個個體加總組成。

      譬如,隔離屋彈琴好好聽,你因此得益,成個economy有冇因此得益?試推盡啲諗:若政府安排每座大廈都有一人彈琴,咁成個economy又有冇得益?應該有係咪?咁即係個體gain/loss會加在整體經濟的gain/loss度。

      4)綜合以上3點的答覆:
      reduction on value / private / social loss 其實都係同一樣野。
      所以,此問題其實都出得唔錯。

      選項(3)正好反映這個。

      刪除

張貼留言

若想 *收到回覆* 通知,請以 Google帳號登入,並在「通知我」空格打勾。

另外,有時 Google會判斷留言需要審核,而不能即時顯示,請耐心等候,不需要重覆發表。謝謝!

Youtube 頻道