精選文章

2012-2017 HKDSE Math 歷屆數學不同級別(Grade)所需分數 cut off 及其分析

本文目的:
坊間 cut-off 出處係邊?準嗎?啲 cut-off 原貎(原始數據)係點?真實 cut-off 係幾多?啲 cut-off 數據,有否反映出其他資訊(如考卷深淺變化)? 本文希望能為此提供答案。(如有問題請留言
(一) 坊間 Cut-off 來源:某大討論區 網上所有 Cutoff 資料,其實全出自某學生討論區,佢地每年都收集分數 (覆卷考生無私交出 check 卷結果),再整理 得出大約既 Grading 分數*,使莘莘學子得益。
(*係大約咋,下文會講點解係大約,同應該點用呢啲數據)

(點解考試局唔公開呢啲資料呢?好多外國公開試都有咁做。)
(唔唔,應該係,除非唔係。)

阿仔半夜咳咗半年,原來係霉菌(2Y2M-7M),經歷分享及8個健康心得

咳左將近半年(半夜咳)。終於好番,原因原來係霉菌。
小朋友夜咳好困擾,特別係一晚咳醒幾次的話,無論大人細路都瞓得唔好
17年4月10日更新:停聞氣管藥約一星期,呀仔又咳番,再睇另一個醫生(呢個都係由將軍澳同一個好好人既兒科醫生介紹,佢介紹左兩個兒科呼吸科醫生,都好好人),又有兩點新發現:
1。原來有測試可看有否塵蟎過敏。呀仔試左,冇野。
2。佢話有d細路會咁樣咳,咳到5-6歲。。。
----
好多細路都會咳,特別係番左幼稚園之後,d菌傳黎傳去。我呀仔,亦咳左將近半年(半夜咳)。終於好番,原因原來係霉菌。分享呢篇文希望可以幫到同樣經歷既家長同小朋友。

半夜瞓覺咳左4個月睇左5-6次中西醫生

約16年10月底(2Y2M)阿仔感冒完左之後,每晚半夜咳,咳醒2-3次,每次連續咳10-20秒左右,冇乜痰既,亦會繼續瞓番。跑步一陣亦都會氣喘咳。但日間咳就好少,只有一聲半聲。見日間冇點咳,諗住食中藥調理下。
睇咗3個中醫1個西醫都冇效,中醫話佢肺弱,食咗好多中藥、猴棗散,保嬰單,都冇好轉,都係每晚咳醒幾次,好在日頭冇點咳。

約17年1月底(2Y5M),見半夜咳咗成兩三個月啦,再睇兒科西醫,話氣管敏感,開青蛙仔(氣管敏感藥 Singulair),食左一星期冇效,轉睇一成人胸肺科醫生(之後先知青蛙仔要食3星期先見效)。

胸肺科醫生比佢聞氣(哮喘病人聞果類)
胸肺科醫生開的抗氣管敏感噴劑
胸肺科醫生比佢聞氣(哮喘病人聞果類,見圖),兩支,一支有類固醇。幾日後開始冇咳,聞左兩星期,減藥量,又咳返,比之前咳多左添,最嚴重果時一晚咳醒三四次。(類固醇唔可以長期聞,下一段既醫生話會減慢發育)

搵到兒童氣管專科好醫生:病因─霉菌

17年3月中(2Y7M),輾轉搵到一個兒童氣管專科(好好人,好細心),開藥同胸肺科一樣,但劑量較輕(For小朋友,原來之前開既係大人量!)。佢開既劑量,話有哂研究可以長期聞冇副作用,係之前胸肺科量既4分1。睇哂阿仔耳鼻喉,聽埋肺都冇事,安心d。問點解咳,佢話氣管敏感,問阿仔同父母有冇過敏體質(食物、藥物敏感、濕疹),都冇。問係咪塵蟎,係(晒過床褥),另有人床邊牆有霉菌(見圖)而咳,搬屋後好左。呢個真係黎睇佢既最大得著。

牆身發霉原來有可能引起呼吸道疾病
我家小朋友床邊既牆,就係有呢d咁既霉點,快d睇下你屋企有冇?
我計一計條數,十月停冷氣(可抽濕) 就開始咳,回家看床邊牆亦有輕微嘅霉,即刻清潔好(上網搵話用酒精抺,之後再加「防霉勇士」),聞左氣一星期,夜咳逐漸減少,一星期後冇再咳啦。


 相關文章:【轉貼】11個生活高招 阻擊老年癡呆症


8點經驗總結

1 使用醫療用品,一定要睇說明書

聞氣前要搖勻,兒童氣管專科睇完病,仲專登過黎問我有冇搖勻,佢話唔搖等於冇用到!!!我估原因係d藥粒子會沉澱,我冇。。。

2 西醫話係氣管敏感,究竟係乜

敏感係免疫系統對過敏源(食物/氣候/藥物/動植物等)的過度反應,何謂過度?既係大部分人都冇野,而你有野。另一醫生話每日人體有兩個時段氣管會收縮:中午同深夜1-2左右,但日間通常人係醒,瞓晏覺都唔係最熟睡,所以敏感冇咁嚴重。

3 有研究話因為依家d人屋企太乾淨,所以易敏感 (醫生講既)

如果由細到大都係一個好乾淨環境長大,咁到左番學,環境冇咁乾淨,就會容易敏感。 相反,如果由細到大,身體適應左,就會好d。好似有左抵抗力咁。

4 老中醫比較主觀,唔好信哂

第一個睇既中醫係睇開既,係d老中醫,佢好堅持話肺弱,開左d煲既中藥,同佢自家製猴棗散,話食3個月就好。因為呀仔跑一陣就咳,佢就斷定係肺弱。d老中醫因為有經驗,好多時比較主觀。根住再睇另一個人地介紹既老中醫,一睇就話佢瞓得唔好,開藥比佢瞓好d。(其實半夜咳醒就梗瞓得唔好。。。)

相反,再跟住睇左一個後生中醫,佢只係話肺弱,話瞓覺唔知點d氣沖上肺,所以咳(我唔太記得啦)。但就會試藥,唔會話呀仔一定係咁咁咁。我好buy,你只聽下家長講一輪,再摸一摸脈,咁易就肯定到咩事咩?


相關文章:分享一些生活智慧:車廂逃生、心型書簽、密封薯片、銀器回復光澤等等


5 任何藥/食療都唔好長期食

各中醫d藥食左兩三個星期冇乜效,就停左唔食啦。長期食對肝同腎都好傷,因為佢地要排走、過濾多左d化學物質。

6 有病唔好下下即刻食西藥

最好係有足夠既休息同營養。同埋得閒晒下太陽。咳同打乞嚏,係身體既機制,去將肺/氣管既有害物質排出體外。而食西藥,係抑制身體呢d機制。咁會點?咩將d有害物質留左係身體入面囉。較好既方法,係睇下嚴重程度,緊要、影響到休息既(譬如夜晚瞓唔好),先食藥。其實,除左抗生素,傷風既西藥,有徵狀先食就可以,因佢跟本唔會減低你體內既病菌。要減低病菌,係靠你自己,所以最好係有足夠既休息同營養。同埋得閒晒下太陽。

7 其他人啱食既食療,你未必啱食,因體質不同

坊間成日有人話,我呀仔飲左乜乜乜好左,除非真係d好一般既方(譬如飲多d水),否則唔好亂試。第一,個病可能根本唔同。第二,每人體質不同,對人地好既,未必啱你。試諗下,同一個溫度,都有d人熱,有d人覺得凍啦。想試的話都最好先問下中醫。

8 唔同時節,唔同體質食唔同水果

之前秋冬天,後生中醫叫我煲雪梨湯加薑比呀仔飲。初春我再問佢,佢話唔啱時節啦。我問佢呀仔食咩生果,佢話呀仔體質較寒,啱食d較「熱」既,如荔枝,芒果等。但梗係唔係叫你多食啦。

留言

Youtube 頻道