2016 DSE Econ 卷一 Paper 1 MC 詳解 (應該係最詳細既答案)(持續更新中 更新至38條)

Update 2017年4月20日:留言有對第13條更多的解釋,以及簡單講解何謂「按揭(Mortgage)」

進度不似預期,湊仔真係好忙。。。
(暫時睇落MC都幾正路,水平同往年差不多。。。)

1。B;免費與經濟物品之分根本取決是否scarce。C不正確,因不同物品不能一同比較;D不正確,免費物品因為不需爭,才稱為免費物品。A與B選項自相矛盾,不scarce又何需爭呢?
 

2。C;任何用在生產的人造物品皆為Producer Goods。
 

3。D;B會增加成本,因犠牲大左。
 

4。D;(2)正確因為冇耐性,所而先願意比利息。(3)可以用實物比利息,例如借蘋果還一啖作
利息。
 

5。C;2唔得因為會侵犯書商版權。
 

6。B;Capital = Producer Goods
 

7。B;1都係,因為在長期。
 

8。B;C影响勞工需求,不是供應。
 

9。D;因為工種最唔專業,所以轉工種最易。
 

10。A(專欄作家);A同D都好似,工作都比較單一,都好似可以件計。但巴士司機若用piece rate可能會使其貪快唔注意安全(同成日飛站)。

11。B;點有可能保証會有利潤?
 

12。B;要先計MC,MC由第三件起分別為23,25,27,29,31。要MC=P,所以4件。利潤 = 25x4 - 22x4 = 12。

13。D;預計將來會貴,所以依家買定先;Mortgage interest rate 係買樓借錢要比既利率。如果預期將來會升,即係預期將來供樓既錢要比多左,所以唔啱。(留言處有補充)
 

14。A;Derived demand 是指對原材料的需求(不同於complement 輔助品);D的因果調轉左。
 

15。A;成本跌使供應向右移,即沿需求線移動(movement along the same demand curve)價跌小,量跌多,即需求彈性大。耐用品因購買時間較易可提早或延遲,所以彈性大。
 

16。B;Uber出現使的士多了替代品,所以其需求跌(D1)。油價跌即成本跌,所以供應升(S2)
 

17。A;若重建易左,會做多啲重建,所以要請多啲工人。C同D只影響工人供應:多啲津貼吸引多啲人入行做建築;澳門冇工開啲工人會番香港黎搵工(或者澳門人過黎做黑工)。
 

18。D;C沒違反因為在經濟增長期,人們收入升,所以對住宅樓宇需求上升。D是答案,因為租(固定成本)貴左,貴車相對冇貴咁多%,所以多左人買。或者你都可以諗租得起貴車位既人,自然都係較有錢既人,所以都會多左貴車。
 

19。A;先要補一行(見圖),計算新的供給關係;未計政府補貼總收入會係12x50 = 600,政府補貼12x20 = 240,加埋剛好840;B唔啱因為係12x20 = 240; C唔啱,因為題中涉及供應增,所以是沿同一條需求移動(movement along the same demand curve),價跌18.18%(10/55)(記住原值用中間值),量升同樣是18.18% (2/11) 。D唔啱,因為有補貼(subsidy)正常供求中供應必增,交易量必升,使輔助品需求上升,均衡價及量均升,其總收入亦必然上升。

 

20。B;2唔啱因為natural 意即自然地都冇人爭,所以唔係唔比其他人enter market。3啱因為都要面對其他市場替代品的競爭,壟斷只代表冇 *近似*替代品 而已。 

21。C;冇difference即係相等啦。A將total改為marginal (邊際) 就啱啦。D改為Total surplus of producer and consumer 亦啱。
 

22。D;競爭供給即要爭資源生產。Y需求升,所以其交易量升,用多左資源,少左資源去做X,所以X的供給跌。
 

23。C;都幾陰。[380 + 450 + (230 - 50) + (130 - 170)] + 30;首先,不用加Depreciation,因為已是Gross figure。另外,注意最底行的不是indirect tax,而是direct tax(如利得稅)。其分別為是否直接向人收取稅項。
 

24。D;又都幾陰。注意:1) 圖內表示的是GDP deflator (平減指數),即是價格指數。2) 數值高於0表示通脹。所以A, B皆錯。C亦錯,因為有通脹時名義(Nominal )GDP會較高。D要用公式 Nominal interest = real interest + inflation (名義利率=實質利率+通脹)。[這式可理解為:問銀行借錢10厘(名義),借100元一年後還110元,但同期通脹3%,扣除物價上升使購買力減少3元,銀行實回報為7元(實質)。]
 

25。C;(難,上年問過) 失業率為U / (U + E);B,D好明顯會升高失業率。
    B:減少勞工需求,使勞動人口減少,分母跌,U% 升。
    D:失業救濟使多啲人搵工搵耐啲,U% 升。
    A:多左勞動人口但其中亦有人失業,分子分母同升(數值不必相同)。U%不確定。
    C:即退出勞動市場,分子分母同跌(數值相同)。U% 跌(如2/10 跌至1/9)。
    ***推到極至思考法:若所有失業人士全退出市場,分子變0,U% 必下降(變0)
 

26。D;RRR 升,銀行減少貸款,貨幣供應跌,利率升,消費及投資減少。A不對,因只會 *需求量* 跌;B不對:貿易伙伴貨幣升值,即本國幣扁值,出口價(以外幣計價)跌,出口增加;同理,入口減少。所以淨出口升,AD升;
 

27。C;1啱因為要請人做工程;2啱因為G升引致AD升,所以物價升;3啱因為資本總量Capital stock 上升了,所以最大產值亦升;3啱因此4唔啱:因為LAS升,其他因素不變下(即需求不變)物價應跌。(注工程完成G應減回原水平,亦即下跌)
 

28。B;都幾深。如要睇長期均衡,只需睇LRAS & AD,不用考慮SRAS。所以旅客減,AD跌,LRAS不變(舖位不變,藥房之類的舖會轉番做服務香港人的舖)。所以長期物價跌,但總產出不變。 (注:明顯係需求面既因素(一週一行)係唔會影響供應線既,否則點解要分2條線劃呢)
 

29。A;股市風險減低,使人多持有股票,因此減持現金。
    B唔啱:其他因素不變下(如經濟前景),純粹預期價格跌,Mt跌,因唔洗揸咁多錢買野。
    C唔啱:明顯係貨幣供應因素,如上題講,供應既因素係唔會應影響需求。
    D唔啱:呢個深,點解只影響Mt?因為Ma係Stock concept(存量),係當你有幾多身家時,你想幾多用現金揸住。而可使用收入同Mt都係 Flow concept(流量)。
 

30。C;冇store of value 因為佢係攞錢去買野,冇儲起Purchasing power。
 

31。D;*實際(actual)* 銀行乘數應為2 (500/250)。 [注:銀行乘數字面已表示為一個倍數,其實就是存款與倍數的關係]
 

32。A;M1升:因為支票戶口存款升;M2跌,因為攞左儲蓄戶口500000,但只放番250000去支票戶口;M3不變 (其實如果問題中啲錢全部冇流出銀行體糸,M3係唔會變的) [注:這類問題除非好熟,否則應該M1 M2 M3 三條式應該順序逐條列式諗。]
 

33.A;因為會少啲現金流失 (cash leakage);B會引致銀行貸款困難,增加超額儲備(excess reserve);C沒有影響,因為buy bonds結果一樣會將錢比番公眾,同借錢出去一樣,錢最終會番去做deposits。
 

34.D;Classical QTM 假設在長期實質GDP會維持在全民就業水平,而所有貨幣供應上升會轉化為同比例的價格上升。例如MS每年升10%,物價每年亦升10%。
 

35.A (C亦可以啱,但A啱啲,見解釋);香港沒有股息稅(dividend tax)。汽車首次登記稅覆蓋在香港首次落地的車,所以,若林先生是在外國進口一輛二手車,也要交首次登記稅,但問題冇講清,所以應假設其在港購買。(https://eservices.customs.gov.hk/FRT/common/faq 問題9)
 

36。C;(注意x軸為income,而非taxable income) 先睇圖,新稅制下:1)免稅額少左 (x-intercept細左);2)標準稅率低左 (橫線高度矮左);3)低收入者稅率升 (兩線相交點的左邊);較高收入者稅率跌左 (相交點右邊)。
   A錯:窮人比多左(相交點左邊),富人比少左(相交點右邊)
   B錯:富人稅率低左,工作意欲應會提高。
   C啱:稅基(tax base) 意即需要比稅的人有幾多;免稅額低左,稅基濶左。
   D錯:總稅收可升,亦可跌,稅率跌,就好似商品減價,*視乎彈性*,總收入可升亦可跌。
 

37。B;(注意 1)是通縮;2)睇是否得益可睇購買力,例如,今日投放 $100,一年後即使都係收番$100,但因為通縮,一年後$100能買到的東西多左(啲野平左),所以有得益)
   (1) i-bond 息率=1厘+通脹率,下限是1厘。即通縮時仍有1厘回報,所以得益。
   (2) 浮息按歇貸款,即息率可升或跌,但同通縮冇直接關係,所以通縮前後供款相同,但以購買力計則比多左 (因為物價跌同樣錢可買多左嘢),所以損失。
   (3) Pensioners(退休金收款人)會每月收到一筆定額的收入,如上原因所以得益。
 

38。C;政府開支與入息稅都會影響AD,但加入息稅(T) 並非直接影響AD(AD=C+I+G+X-M,沒有T,因為T不是開支),而是通過減低可使用收入(YD),再減低C,但兩者幅度(YD & C) 跌幅並非一樣。 [舉例說,若T加$1000,YD減少$1000,C只會減少<$1000 (e.g., 900),因為儲蓄(S) 亦會因收入跌而減少 (e.g., $100)。]
所以若政府G及T同時加 $1000,C會跌但少於$1000 (e.g., $900),所以總開支 (及AD) 仍會上升 。


----- 
想學好經濟/數學?想搵兩科的資源?
或者學倉頡?
請到植Sir的 經數學堂 網站
-----


若想收到我的最新文章通知,可以訂閱喔!或讚好我們 經數學人 Facebook

留言

  1. 第2條是否寫錯英文字?是C?

    回覆刪除
  2. 點解第9題不可以是C,她只是實習生不是正職律司

    回覆刪除
    回覆
    1. 要係law firm 做 trainee即係將來佢都會係呢行發展架,所以應該都要law major,只不過佢可能未定實做邊類事務(離婚,樓契etc)或者大律師。

      刪除
  3. 對完mc 37/45
    Lq幾多分有5?
    搏5*又要幾多分?
    感激不盡,thx

    回覆刪除
  4. 我想問點解c唔啱
    我邏輯:expect interest rate of mortage loan to increase later 同expect price of private housing to increase later 都係future consumption 會貴左,咁應該會prefer present consumption,那麼不是會prefer現在做按揭咩?點解c唔會正確?

    回覆刪除
    回覆
    1. 咁遲覆唔好意思,之前太忙。搵左一陣先知係問緊第13條 ( ͡° ͜ʖ ͡°)
      選項C講「按揭利率(mortgage loan interest rate)」,所以首先要明「按揭」係乜先。

      簡單而言,買樓大多要借錢(按揭-層樓「按」左比銀行用以借錢 [一般借樓價既70%],「按」者扺押也,即若你還唔到銀行就收左佢拎去拍賣-成為「銀主盤」),因為借左錢,所以你要還幾多,就視乎銀行既利率。

      所以選項C唔啱,原因有二:
      1)若銀行加息,買家要實際上比多左錢。即使層樓已經買左,但其實你仲一路每個月比緊錢(還錢-叫「按揭供款」),而加息就會令你每月供款增加,即係實際價格貴左。

      2)當利率上升,樓價會下跌,業主會有資本損失(Capital loss)。利率上升會令供款增加,市場上會少左有能力買樓既人。例如,本來買一層樓,月供要$10000,加息後變左月供要$15000,人工不變下,買得起樓既人就少左。所以加息會令對樓宇需求減少,供應不變下,樓價傾向會下跌。

      刪除

張貼留言

若想 *收到回覆* 通知,請以 Google帳號登入,並在「通知我」空格打勾。

另外,有時 Google會判斷留言需要審核,而不能即時顯示,請耐心等候,不需要重覆發表。謝謝!

Youtube 經數頻道