【聖誕IQ題 2條】六角形填色/男女比例

(1)在這由正六邊形組成的平面上,填上不同顏色。使每個雙鄰的六邊形,顏色都不相同。最少要多少種顏色?

(A) 4 (B) 6 (C) 7 (D) 2 (E) 3

黑白的六角形
(2)在冬季開始時,一滑雪班註冊了至少66名學生。該滑雪班開始一個月後,有11男生才加入和13女生退出。這時,班裡的男女生比例為1:1。
以下那個*不可能*是滑雪班開始前(未有男女生加入退出之前)的男女比例?

(A)4:7 (B)1:2 (C)9:13 (D)5:11 (E)3:5

僅祝大家 Marry Chrismax !!! Merry Christmas 係呀,專登串錯架,呢期興丫嘛

Marry Chrismax 的出處:http://forum10.hkgolden.com/view.aspx?type=BW&message=5578987

假期後開答案 [想要貼士/延伸問題,請看下方] 。 。 。 。 。 。 。 。 。 。 。 。 。 。 。
 .
 .
 .
 .
 .
 .
 .
 .
 .

1)不是看圖咁直接的。試下填下色,你會有新發現。
2)試觀察下五個選項數字大小。

=======

3)題2的延伸問題,以下選項得嗎(可否是滑雪班開始前的男女比例)?為什麼?
F) 1:10   G) 4 : 9   H) 6 : 11

[經濟題][答案] 教左十幾年經濟都唔識答!產量較消耗量少7萬公噸?

朱古力

Mars和Barry Callebaut公司指出,朱古力的供應已連續50年都追不上需求。朱古力原材料可可去年的產量,比全球朱古力的需求少了7萬公噸,到2020年,差額估計會大增14倍至100萬公噸,到2030年,更會達200萬公噸,美國華盛頓郵服指,可可豆產地科特迪瓦和加納等國近年出現乾旱,影響收成

資料來源:
https://hk.news.appledaily.com/international/realtime/article/20141116/53133704

答案公佈:(問題在此)

問題1:係咪所有市場類型 (market structure) 供不應求都會加價?邊類會?邊類唔會?

:只有在完全競爭市場 (Perfect competition) 的廠商,才會跟供求定價。
其他市場跟本沒有市場供給曲線。
  • 試看看,一個地區的不同茶餐廳,其凍檸茶的價錢是否都完全一樣?不會吧!
  • 為什麼?因為每間茶餐廳都有一點點壟斷 (定價) 的能力 (地點、品質、服務等都累有不同),因此他們屬壟斷性競爭!
  • 凍檸茶定價多少是為了可以賺取最大利潤 (定價高一點或低一點皆會減少總利潤)。
  • 供給曲線跟本不存在!
  • 商戶先定價再看顧客(按需求曲線)會買多少。

問題2:可可豆生產應該屬(或近似)那一個市場類型?

:近似完全競爭市場 (Perfect competition) ,基本上不同地方生產的農產品產異不大,供應者的量亦很多。其價格會在一些國際商品市場(芝加哥商品市場)上決定。

問題3:朱古力生產商又屬(或近似)那一個市場類型?

:朱古力則不同了,市場上大的朱古力生產商不多,大間的(如吉百利)不多,但他們已佔市場很大的份額,所以屬寡頭壟斷(Oligopoly)。

原文:[經濟題] 教左十幾年經濟都唔識答!產量較消耗量少7萬公噸?



相關概念:
Demand and Supply 需求與供應  Competition and Market Structure 競爭與市場結構

[經濟題] 教左十幾年經濟都唔識答!產量較消耗量少 7 萬公噸?



Mars和Barry Callebaut公司指出,朱古力的供應已連續50年都追不上需求。朱古力原材料可可去年的產量,比全球朱古力的需求少了7萬公噸,到2020年,差額估計會大增14倍至100萬公噸,到2030年,更會達200萬公噸,美國華盛頓郵服指,可可豆產地科特迪瓦和加納等國近年出現乾旱,影響收成

資料來源:
https://hk.news.appledaily.com/international/realtime/article/20141116/53133704


奇1:連續 50 年供不應求 (excess demand),價都唔升,咁扺得諗?
奇2:產量較消耗少 7 萬噸?咁神奇?冇生產出黎啲人點消耗?即係我用左10萬噸可可豆,做左10萬噸朱古力(假設),賣左。但又知道啲消費者其實想食多 7 萬噸既朱古力呢?
一一一一一
以上帶出三條問題,兩個訊息,一個笑話!

問題1:係咪所有市場類型 (market structure) 供不應求都會加價?邊類會?邊類唔會?
問題2:可可豆生產應該屬(或近似)那一個市場類型?
問題3:朱古力生產商又屬(或近似)那一個市場類型?

訊息1:朱古力生產商想加價!!!
訊息2:需求量同供給量是「在心中」的,即不能確切量度得到,只有成交量才可以。

笑話:混淆哂需求、需求量,供應、供應量,將想要的,同實際買到的混為一談,仲唔係笑話?

從港台 古今風雲人物 邱吉爾(七)的 英國歷史看貨幣制度的演變

金本位 銀本位

DSE 依家讀書要攞好成績,真係好難。競爭實在太大。

我教既兩科(經濟, 數學),只識死做的,基本上要攞個5已經係盡。

所以我鼓勵學生一定要理解,數學同一條數多想幾個計算方法,經濟一定要理解並應用生活例子。總之要靈活學習。

其實港台節目真係好好,做左好多 Podcast教學),方便放係智能電話度,等你可以隨時聽。最近搵番古今風雲人物黎聽番,讀歷史既同學真係啱哂!

其中一集講英國二戰重要人物邱吉爾。其中段休息之後講貨幣發展史,講英國如何取消金本位(gold standard),以及何謂量化寬鬆(Quantitative Easing,即係印銀紙)。很值得讀經濟的同學去聽一下。

邱吉爾(七)(11:10 開始)

Topic : Money and Banking 貨幣與銀行

其實學聯上京真係好勇敢!為名?為利?用經濟學同你分析



其實學聯如果真係敢上北京,姑勿論見到京官定見唔到,其實佢地真係付出左好大、好大、好大既勇氣!
佢地,依家基本上係中國,就等同於通輯犯,若真要拉佢地,要屈佢地拉人坐番幾年,真係唔係完全冇可能架。大陸要拉人,總搵到罪名架,記得李旺陽事件嘛?


學聯佢地真係唔知危險咩?梗知,但佢地都敢上,為左乜?想借此再博出位?
用經濟學「邊際得益(Marginal Benefit)」好簡單分析一下:

一)支持排名難再升
佢地啱啱係港大政黨民調,已經得知佢地知名度(排第五)同支持度(排第一)都已經夠高,你話佢地想借上京再博出位?好明顯唔成立,因為其邊際得益(借上京提高認知及支持)已經很少。所以可以排除佢地上京係為左個人得益。
 
二)打破僵局機會零
佢地知唔知上京面聖既成功機會丫?相信每個香港人都知方丈份人係好少氣架啦,睇田北俊比人搣柴就知:成功機會近乎零啦。
成本咁高(比人拉),個人/社會得益都咁低,咁重上?
做一件事必然得益大於成本先會做,點解佢地重要做?因為預計會有界外得益(external benefit):就係打破現在佔領的僵局。

三)界外得益保民氣
現時支持佔領的市民比例一路下跌。
原因一是真的犯法及造成不便(如果你屋企制水一日冇問題,但一星期會點?);
更重要的原因二是,政府掌握哂媒體做佢宣傳機器。報紙,電視新聞(電台應該好d)全部靠邊站,將雨傘運動「隱善揚惡」,結果係洗腦效應下必然民意倒向政府一邊。
有見辭職公投成事機會不大(政府可以拖足半年先補選),佔領民氣不能拖咁耐。學聯想藉住APEC咁好機會上去,爭取市民繼續關注支持雨傘運動。

四)環時社評添變數
學聯面聖的基本可能結果有四個:
A.成功面聖,有正面結果
B.成功面聖,沒有任何成果
C.上到北京,但原機送返
D.係香港離境前被阻

係人都知C,D機會最大。
今日環球時報出左篇社評,尾段話香港最好要阻止學聯上京(梗啦,咁落阿爺面)。
所以變左D既機會最大!政府點可以阻學聯離開香港?
1)拉人(咁做肯定加深管治危機,但689已顛左,做野冇乜唔理性可言)
2)利誘(新民黨開左條件啦,但出手低左d-學聯入提委 http://bit.ly/1Gny52a

總結,學聯今次上京面聖,刀光劍影,危機重重,但有危便有機。
希望佢地可以打開一條出路!

====
支持雨傘運動,你都可以出一分力:
[齊來參與] 罷攞/罷買 偏頗報章,直至編採改變立場:
https://www.facebook.com/events/1470293019862161

[傘運] 可恥的無線 張d民調結果扭曲哂

CCTVB 扭曲民調結果 任意把學者統計研究按需要發放
TVB 選擇性發佈理工大學的民調結果

1)將一條問題幾個答案夾硬放埋一齊

明明一國兩制,但硬要將人地理大報告,香港政府同大陸政府放埋一齊!
報告明顯結論係話香港政府/689最大責任,相反大陸政府責任不大,但TVB憑乜理由合併埋佢地?我地仲有「兩制」架!

2)調查共5條問題,你報足4條啦!係唔報淨番果條,選擇性報導太明顯了吧!

果條係問「邊個可以叫人結束佔領」,作唔到點樣砌,就唔報啦?
呢條唔重要咩?其實好仲要!因為係講緊個波係邊個度呀!邊個應該做野去解決依家既困局呀!

調查報告全文: http://www.apss.polyu.edu.hk/sscsps/product_images/1415088562298048975.pdf

無線即時新聞(都話689最需要負責): http://news.tvb.com/local/545891406db28c8419000003/

6:30新聞(袁花已經心裏條蟲左): http://youtu.be/jZt504eXOks

11月5日 1800 update:
已得鐘博士回覆並給予了新聞發佈會的Powerpoint,當中*並冇*像無線般把選項合併
[誰最需要負責?新聞發佈會內用的圖]

理大雨傘運動電話問卷調查報告
傘運期間理大做的調查報告 Powerpoint


整個新聞發佈會完整Powerpoint:

https://www.dropbox.com/s/7ll7pxuix68fqcp/20141104_PressCon_FINAL.pdf?dl=0

==== 宣傳一則 ====
識睇報紙,梗係睇中肯架啦!
[全民抗爭] 罷攞/罷買 偏頗報章,直至編採改變立場

https://www.facebook.com/events/1470293019862161

民智,究竟開左未?咁多人,信哂一啲偏頗報導,卻否定大學民調,又成日攞人校長既名過橋?

民調 抽樣調查


民調/抽樣調查為何只抽幾百至一千人?咁少人邊度會準?簡單用兩個例子講下,

1)工廠生產產品,想睇生產線或某位員工的品質,會唔會每一件都驗?
2)校長檢查老師改簿,想睇該老師改簿質量,洗唔洗每位學生的簿都全部睇哂?

答案係唔會,亦唔需要,佢地只需要抽樣驗。因為抽樣的,已經大致反映了其他未被抽中事物的特質。

當然,要結果夠準確,抽樣要做到幾點:
  1. 數量要足夠,工廠/校長不能只抽一件/一本簿,就話品質ok或唔ok。
  2. 抽樣要有真正隨機性,即每件產品/每位學生都有同等機會被抽中,咁樣可避免只抽到生產最初頭的5件產品/最叻5位學生的簿,而引致偏頗結論。

詳解:維基教科書-統計學/統計抽樣 http://goo.gl/o9TIsy
港台 傳媒透視 民調的科學與民調的政治 http://goo.gl/udPo6j


再者,蘇格蘭公投民調都係做一千人左右,但英國政府見後期雙方勢均力敵,所以調整策略大力宣傳,足見科學民調絶對可信。(這就是統計學!)

兩篇Facebook的回應,均取自面書專頁Speak Out HK 港人講地,這專頁所引述的來源往往是一些公信力較低的報章如太陽報,東方日報,內容偏頗。而回覆的人水平之低,真不禁令人懷疑是所謂的「五毛」所為。目測低質留言起碼佔一半以上。

按香港中文大學傳播與民意調查中心2014年1月公佈的調查
排名最高頭三名電子傳媒,分別是香港電台,商業電台,有線電視。
排名最高頭三名報紙,分別是南華早報,經濟日報,明報。

兩篇回應實在好值得親身一看,各種回應必會令你樂而忘返,耐人尋味:
【精選文章】由坐山觀虎鬥到引火焚身張志剛(一國兩制研究中心總裁)http://goo.gl/Ogk4Wr
【焦點新聞】中大民調指15(按:應為18)至24歲年輕人支持「佔中」大增至六成 令人憂慮 http://goo.gl/GHxvXg

雨傘運動的經濟損失怎樣計算

Umbrella revolution

成日有人計呢單野既經濟損失,究竟點計既呢?

其實有三個計算經濟損失的方法。

1)按行業計,按全年某行業對GDP貢獻,再計算每日有多少百分比的影響
經濟學家關焯照稱,佔中估計導致本港每天經濟損失1.5億至2億元,主要計及旅遊業的增值,及運輸業的影響。 (蘋果日報
冇錯最大影響一定係旅遊業,冇法。外邊的人唔知咩事,梗係睇定啲。但外媒報導愈來愈多,外國人應該會知道我們香港人其實是安全的。不久之後相信遊客量便會回升。(大陸客另計)
咁佔領區的商戶生意呢,一定有部分商戶生意少左,因人流減少。
但亦肯定有部分商戶會多左,買水的呢?食物呢?其他物資呢?

2)按GDP四大開支類別(私人消費,資本(機器)投資,政府消費,淨出口)計算
呢個就有啲估估下。
香港大學經濟學首席講師王家富估計,佔中令本港旅客量減少10%、零售額跌10%,情況若持續一個月,將對季度GDP削減0.4%(按一季生產值 5,200億元推算,相當於涉及金額約20.8億元,即每日約7千萬元);私人消費跌0.1%,服務出口跌0.3%,失業率提升0.1%,投資則沒有影響。 (蘋果日報

3)以股票市場市值下跌計算(因股價反映了其公司未來收入的現值) (蘋果日報
科大雷鼎鳴以上周一和周二恒指的累積跌幅推算,經濟損失是3,500億元。
問題係,
計佢宣佈籌備佔中果日開始?即係幾年前喎?(好多反應都未反映落去喎)
定係由佔中宣佈開始計?(股市一早已經將預期影響)
但呢個方法,最大問題係,香港大市值的上市公司(中移動等),其主要市場都唔係香港。你唔係以為雨傘運動,會影響大陸經濟呀嘛?所以呢個方法非常唔準。

不過,呢啲計算,全部只計眼前,並未計及實質可親身感受的經濟效果

即係咩?
 
自由行人數幾多幾多?咩人得益?若你唔係做旅遊業,你跟本就冇得益。
反而仲會有損失,因為
樓價貴左,舖租貴左,物價貴左!

仲有自由行太多的非金錢損失呢?
泳池成日有人便便,踏地鐵又話等多班車啫(唔記得邊Q個講),去旺角又迫爆,去名店又被Sales 歧視,因為你講既唔係普通話,等等等等。仲要香港大學教授用英文講書都要比人打

咁自由行,係咪都係令一部人損失,而使另外一部分人得益丫。

其實,雨傘運動的非金錢回報,有許多:
讓公民覺醒,市民更了解公民權利,對民主及民生都更加關心。
向世界表現了我們良好公民的質素,不暴力,互相幫助,自發性高。
人與人之間,多了一點愛,這正是香港最決少的。

最後,套用台灣馬英九總統的一句,請中國,讓我們香港這一部分人,先民主起來吧。

如何快速下載 backup Youtube Playlists / Facebook 的影片

有見近日盛傳Youtube會維穩,
我特意搜尋並試用了一些 youtube backup 的軟件。

經測試後,找到了這個,只需按幾個制,便可輕鬆把整個Playlist下載下來。

Free Video Downloader
http://www.freemake.com/tw/free_video_downloader/

(切記,安裝時不要選快速(Express)安裝,一定要自訂(Custom),然後unclick它想一併一起安裝的垃圾軟件!)

我用以下youtube網(man johnson)作示範:

https://www.youtube.com/channel/UCtcYy3LReWYY4FkOQGLNtaQ/playlists

你只需copy以上總playlists的網址
https://www.youtube.com/channel/UCtcYy3LReWYY4FkOQGLNtaQ/playlists),

然後在Free Video Downloader 貼上網址,便可開始下載。
下載facebook都可以,但要逐個網址貼上。

「雨傘革命(umbrella revolution)」成因與結果的經濟分析,及一些建議

Umbrella revolution

經濟學101,決定做任何事,都係成本同得益比較之結果。
當 得益>成本,便會做這件事。

今次的學運,遠因是學聯的罷課引致的公民覺醒(使人民了解清楚參與示威的得益)。

轉捩點則是由黃之峰,帶頭衝入公民廣場,引致被捕。致使市民走出來的短期可見得益(向政權加大施壓)大幅上升,引發許多市民加入。

及後,當示威人數已過萬,示威便變得相對較安全(因警方較難處理),參加示威成本大跌,更加多市民陸續加入。

結果會如何?若果得益/成本不變,梁振英一定會最終讓步(或按指示讓步)。
條件是,1。示威繼續和平,2。警方不提升武力,3。解放軍不出動。

條件1極容易被對家混入,當時間拖得愈長,被人滲入倒亂的機會甚高(教父話齋,出一個佢無法拒絕的價錢)。解決方法是要速戰速決。

條件2則暫時機會不大。但若佔領時間拖長,市民生活受阻,民意可能就會倒轉,到時警方便有條件提升武力。

條件3應該不會,比起當年六四,大陸開始想係國際社會改善形象。係香港咁多外媒面前鎮壓等於外交自殺。但先決條件都係示威繼續和平。所以都係要速戰速決。

所以,一定要盡快將行動升級,並帶落各區。但應該點做則有待商討,除罷工罷課以外,我試試提出一些可能:
自心人自制黃絲帶,當區派發(以示支援學生),
每天黑衣加口罩行動(以示香港sars以後最黑暗的一天),
向各區警署及政府獻花(以示諒解他們大部分都只是執行職務)。

當然示威活動,會有界外效應。有機會再談。

各網上平台香港學運直播 / 即時新聞 / 文字消息 所有連結 (30/9 1531 更新)

[Facebook佔中/學運新聞Feed(超詳盡)] 和平佔中直擊 Occupy Central Live News Feed
https://www.facebook.com/lists/664882363611104
.
[一站式所有資訊全] 所有網上直播頻道,抗爭地圖,物資請求,交通消息及安排,抗命需知,圖片文字直播,各相關社交網絡連結
http://today.code4.hk/ (已失連). <== 基本上已包含以下********之後大部分連結。
.
[支援前必看 under today.code4.hk] 926-929政總抗爭地圖 (表示需支援地點、物資、廁所等)收藏在政總相關資料夾下
http://j.mp/fight4hk
.[各區物資需求 under today.code4.hk]
http://bit.ly/1vnSOxA
.
[即時新聞+重溫] 有線新聞視像(不要只看TVB,傳聞比較偏頗)
http://cablenews.i-cable.com/webapps/index/index.php
.
[直播]NOW 新聞台
http://news.now.com/home/live
.
[直播]NOW 直播台
http://news.now.com/home/live331a
.
高登討論區時事台(香港最熱門討論區)
http://forum14.hkgolden.com/topics.aspx
.
********
.
[直播]HK Apple Daily 蘋果動新聞 9.28-30 佔中啟動
https://www.youtube.com/watch?v=w4q8fs8gTIs
.
[直播]SocREC 社會記錄頻道 27SEP2014 927重奪公民廣場集會 (已失連)
.
[直播]SocREC 社會記錄頻道 30sep2014 9.30遮打革命 (0930 1035 add) (已失連)
[直播]熱血時報
http://passiontimes.hk/live.php
.
[即時新聞]RTHK 即時新聞
http://news.rthk.hk/rthk/ch/latest-news.htm
.
[即時新聞]有線新聞
http://cablenews.i-cable.com/webapps/index/index.php
.
[即時新聞]【蘋果LIVE最新消息】
http://hk.apple.nextmedia.com/realtime/news/20140928/52948742

佢嗰塊蛋糕比我嗰塊大!

從前有兩兄弟去餐廳食飯。佢地各自點左一份鐡板牛扒。當侍應上菜時,侍應攞住兩碟牛扒:一碟既牛扒比較大塊,而另一碟既牛扒比較細塊。侍應先比阿哥揀一碟,哥哥毫不猶豫就揀左比較大嗰碟。
細佬好唔滿意,話阿哥無禮貌。

  • 阿哥就問細佬:「如果比你先選,你會揀邊一碟?」
  • 細佬就答:「我好有禮貌,會選比較細嗰碟。」
  • 阿哥回答:「非常好,咁細嗰碟就比你啦!」

過去咁多年黎,數學家不斷研究平均分配呢樣野;不過佢地通常係用蛋糕做例子,而唔係用牛扒。切蛋糕呢樣野背後隱含左唔少既數學原理,甚至有人寫左本書《Cake Cutting Algorithms》,專門研究呢類問題。

講起分蛋糕,先考考大家一條問題:
假設而家你要將個生日蛋糕分比個小朋友,由於時間關係,你只可以切3刀(我承認呢個理由有D古怪,不過算啦!)。你要點樣切,而且只能沿直線切3刀,先可以平均將蛋糕分成8份呢?

看懂這些圖,也就看懂這個世界了!

人生,有很多事情,不是你看似的表面意思的。



 1、天使給予,惡魔貪婪,靈魂在不為人知的深處。


 2.每一張笑容背後是什麼


 3.老師說,所有人的起跑線都是一樣的


4.往前走,沒有退路


 5.一個誠實的敵人好過一個虛偽的朋友


6.沒有稜角的人會走得很快,但下坡時滾得也會很遠


7.可怕的不是壞人,而是假好人

8.靠男人的女人終會摔倒


9.有時候,眼見未必是現實



10.永遠不要放棄你的理想


「3的2005次方」這個數,其個位數是什麼?

32005個位數字是甚麼?這乍看起來似乎很難解答,但其實我們只要分析一下個位數字的規律,便會發現 
31 的個位數字是 3、
32 的個位數字是 9、
33 的個位數字是 7、
34 的個位數字是 1。

然後循環 根據以上規律,我們不難發現 32005 的個位數字是 3。

另一方面,我們亦可通過求 32005 被 10 除時的餘數來解這題,這可以利用模(mod)算術的概念嚴謹地求得。

[趣味IQ題] Number Test


玩個數學遊戲,測試你的英文及數學能力:
Pick a number between 1 & 10,
Multiply it by 9,
Add the digits together,
Add 4.
Please write the answer with your answer.

[生活經濟] 同人唔同價,歧視香港人(?)

這背後是什麼經濟理論呢?同埋點解會呢兩批人既價係咁定呢?
(我唔係串佢,係真係有,諗下點解?)

不用Zip 壓縮,怎樣傳送大量檔案比人 (或要傳送檔案 >25MB)

數碼年代,常有需要傳送大量檔案比人,仲用USB?連佢大佬都唔再用佢啦!(邊個係佢大佬?咩USA囉 :p)

有朋友剛需要傳送一些檔案比人,但卻不懂得zip,於是決定寫這篇教學。

這裏我會示範如何開一個 Google Account,再用它的 Google Drive 傳送大量檔案。

步驟只需六個:

1) 到 http://drive.google.com,Create an account 開新帳戶

2) 輸入個人資料,(貼士:密碼強度不用太強,因這Account 主要只作傳輸檔案之用)

3) 繼續輸入個人資料,小心Google 依家都會氹你要你的首頁

4) 選好要傳送的檔案後(多選方法按此),左Click 拖曳至Google Drive 中心位置

5) 拖曳時會顯示選取的檔案數量

6) 檔案會逐一上傳

上傳完成,之後通知親友便可讓他們一併下載。

溫書考試心得分享 - 如何讀好經濟科



香港現在的考試制度變成一戰定生死,DSE試平均要一舉取得5以上成績,入U才有保証。但莘莘學子好多都未識得點去讀書。

要知道勤力,都要加上用啱方法先會成功 (勤力+方法=成功)。要學生自己研究到條路,視乎學生幾時開竅。我好彩開竅得比較早,約中二時已知要點讀書,僥倖會考高考攞到滿意的成績,能入讀到香港大學經濟系。(我的完整資歷)

最近我開左一些溫書心得講座,係到等我分享一下其中一講,經濟科及一般既讀書技巧啦:
  • 首先,要令自己有個方向,定好目標要入大學。
  • 定時間表溫書,比自己適當壓力,唔好讀下停下。
  • 時間表 (升中六的 > 排好至開考前每一日; 升中五的 > 只排暑假(溫番中四))

1. 一般溫書技巧

  • 每周複習:記憶若不加強,上堂時學過的會好快忘記。所以一定要每周(或每兩周)抽時間,(係咁倚)睇番教過啲野,或做下練習,咁記憶會深刻好多,測驗考試時就唔洗咁辛苦。
  • 逐少背

Windows 7/Vista/XP 電腦愈來愈慢,唔想咁樣,可以點樣?(一個Advanced Systemcare軟件解決)

(本文章所需電腦知識程度:低) 我平時的嗜好不多,玩電腦/數碼產品是其中一個。我都唔知點解,可能因為可以滿足到控制欲,同人養狗(或者拍拖?)原因可能一樣。

我現時擁有的數碼產品着實不少:
  • 1部Windows 7 Desktop PC,
  • 4部 Windows XP - Windows 7 notebook,其中一部行埋 Linux
  • 1部Android電話,1部Android平板,
  • 1部Windows 8平板
***** *****
呢啲數碼產品有問題時,可能的話我會Google去搵答案 (識得用,梗係用Google,唔識用?睇呢篇啦),加上我平時都鍾意睇下電腦雜誌,所以累積落黎就學左唔少「庶民」數碼知識,而亦都應用過黎幫過唔少朋友。本篇我會分享一下一個常見問題 - - - **部電腦愈來愈慢**

我上網Search一下「電腦愈來愈慢」,發覺Google最頭的結果都講得頗複雜,高於庶民水平,於是決定寫這篇博文希望能夠幫到更多人。

Windows電腦愈來愈慢 - 主要原因有四個:
  1. 硬碟、檔案系統(file system)問題  (有冇試過強行關機?)
  2. 中左毒 (有冇拮過可疑USB手指、開過不知明電郵?)
  3. 裝左太多會在開機時執行(startup)的程式 (裝左垃圾軟件?)
  4. 新裝置硬件的驅動程式與系統發生衝突 (有冇裝過新硬件?)
***** *****
我既庶民解決方法其實好簡單,可能只要裝一個、最多兩個免費程式,好大機會就可以解決到問題。
 

每當變慢時
要裝的第一個程式,名叫 Advanced SystemCare (連結至其官方網站),安裝及使用詳情如下:(已經解決到大部分問題)

步驟總覽(所有版本Windows適用):
A. 基本修復
B. 查開機載入程式
C. Driver Booster
D. 系統還原
E. 還原Windows至初始設定(RefreshPC)
***** *****
A. 基本修復
1) *安裝時要好小心*睇真每按一下「Next」或者「Accept」係針對乜野,因為佢有可能會唔覺唔覺咁,想「陰」你去安裝一兩個垃圾軟件 (唔係點賺錢呀?)。 (之前有冇比人陰過呀?)

一些下載網站亦會陰你裝啲垃圾軟件(其他免費軟件都可能會咁)
Advanced Systemcare 會陰你裝啲垃圾軟件(其他免費軟件都可能會咁)
2) 裝好後,開啟軟件,全選 > 按「Scan」 > 按 Automatic repair (自動修復)
檢查全部問題,按Scan
選 自動修復
3) 運行需時一段時間,視乎情況,可能要1-2小時,亦可能要重新開機
有紅色類似開關制的任務,要待重啟時執行
4) 完成後應該可以解決到 1)檔案同部分, 及 2)部分中毒的問題。
(有空再寫如何用庶民方法解決深度中毒問題) 
***** *****
B. 查開機載入程式
若你由開機到所有程式完全載入,要4-5分鐘或以上,咁你可能係載入左好多不需要的程式。用 Advanced Systemcare 可以選擇開機要載入的程式,但呢個過程可能會有少少風險(唔覺意關左啲重要程式),所以最好先建立一個還原點,方法如下:
1) 開始 > 電腦 > 特性 

2) 進階系統設定 > 系統保護 > 選 C: (系統) > 建立 > 輸入名稱 > 建立 (可能要重新開機)
 

3) 開啟 Advanced Systemcare > Toolbox > Startup Manager

4) 軟件會列出一堆開機啟動軟件,及其 Boot Time 所需時間,耐心細看每一個,再決定可以 Enable(開機啟動) / Disable(禁止開機啟動) / Delay(延遲啟動)。

選擇貼士:不知是什麼程序的,可做3件事:
  1. 看其檔案位置(底部右下方),可能可以看出它屬於什麼軟件;
  2. 還未清楚可以其檔案名稱作 Google Search; 
  3. *不清楚的建議不要禁止* (可用電話影低傳圖給懂電腦朋友,或給我,或在本文章下方留言)
做完以上步驟 A, B 重新啟動,基本上大部分問題都應該已經解決到,電腦會快一大截。
***** ***** 

C. Driver Booster 教學

若電腦依然好慢,可能係電腦驅動程式(driver)有衝突或太舊。這時可用 Advanced Systemcare Toolbox 既 Driver Booster,步驟如下: 1) Advanced Systemcare > Toolbox > Driver Booster (可能需要下載,記住睇清按咩制)

  

2) 開啟軟件後會即時自動檢查驅動程式
 

3) 按右上方紅圈﹝程定﹞,選擇於更新驅動前先建立還原點,安全至上。
 
 4) 按下 Update All 然後軟件會自動進行所有過程。 5) 完成後,重新啟動電腦完成驅動更新。
***** *****
D. 系統還原
若果電腦依然有問題,這時唯有出庶民兩絶招之一 - 系統還原

步驟如下(之前步驟B講過如何開啟系統還原):

用這最後絶招的時機是,當之前三招不成功,而出現問題時間是近期(數週內)的事。

(注意:這招殺敵1000,自損300,因為還原的意思是,你所選取硬碟(一般為C:),所有在這段期間,改動的檔案都會刪去,所以用這招前務必要備份你想保留的檔案 - 如相片、文件等) 

1) 開始 > 電腦 > 特性 > 進階系統設定 > 系統保護 > 系統還原 (或可按開始 > 輸入 system restore)

2) 顯示更多還原點 女 選一個合適的還原點 > 下一步 > 最後按「完成」開始還原程序。
 



3) 電腦重啟後開始還原。

***** *****
E. 還原Windows至初始設定(RefreshPC)
若系統還原後,問題依舊,就要行最後一步,安裝軟件 RefreshPC (官方連結按此)。它的作用是把 Windows Registry(登錄檔) 及 Services (支援所有版本) 回復到新安裝的狀態。放心,它不會影響用戶安裝的第三方程式

1) 程式會先問你是否要建立還原點?按「是」確保可番得轉頭。

 2) 完成後會彈出通知。
 

 3) 程式會顯示你的Windows版本,及是否64bit,按Refresh返回原廠程定。

4) 電腦重啟後會回復出廠程定
***** *****
按小弟處理過的情況,以上5個步驟基本上可以解決到大部分的問題。當然,以上5招只是針對基本問題,若各位有其他問題歡迎留言討論。

相關文章:
iPod 沖唔到電? (原來我們一直都錯了!"鋰"電池照顧大法!!)
最熱門密碼 : "123456" "123abc"!點記密碼才好?
【數碼智慧】怎樣用電腦(及雲端)自動化的替你工作? [IFTTT 教學]

很希望能獲得你寶貴的意見。
如有意見、問題,請在下方留言。

關於作者

Ronald Chik (作者詳情及聯絡, 補習查詢)
教學廿多年,曾在傳統名校伊利沙伯中學、德愛中學任教,學位、副學士、文憑、毅進、中學、日校夜校皆曾任教。現主力湊仔,閒時替人補習,寫網誌,打羽毛球,生活悠遊。

標籤

/生活經濟 (73) '生活智慧 (48) /數學概念 (42) #DSE每年MC詳解 (37) '數碼智慧 (33) '趣味文章 (23) #讀書溫習相關 (20) /數學應用 (19) #S5 (16) //奧數.數學遊戲. (15) '親子 (13) //圖表說故事 (9) #S4 (8) #高小 (8) //老師不教的數學 (8) ''Youtube (7) ''男女關係 (7) #S6 (6) 'Guest Post (6) //MC技巧 (6) #練習 (5) '精選文章 (5) //日曆數學 (5) $\Money and Banking(貨幣與銀行) (4) '經數學堂 (4) //答客問 (4) #S1 (3) #大專 (3) $\Opportunity Cost(機會成本) (3) //計數機 (3) /經濟學習 (3) #P1-3 (2) #S2 (2) $\(Elective) Monopoly Pricing (壟斷定價) (2) $\GDP (2) $\Market Structure (市場結構) (2) ''GIF (2) #2 (1) #3 (1) #K1-3 (1) $.Algebraic Equation in One Unknown(一元一次方程) (1) $.Co-ordinate Geometry(直角座標) (1) $.Measures of Dispersion(離差的量度) (1) $.More About Graphs of Functions(函數圖像的進一步認識) (1) $.Percentage(百分比) (1) $.Permutation and Combination(排列與組合) (1) $.Pi(π)(圓周率) (1) $.Plane Geometry(平面幾何) (1) $.Probability(概率) (1) $.Pythagoras Theorem(畢氏定理) (1) $.Quadratic Equations(二次方程) (1) $.Statistics(統計學) (1) $.Trigonometry (三角學) (1) $\Consumer & Producer Surplus (消費者與生產者剩餘) (1) $\Demand & Supply(供求理論) (1) $\Economic Growth and Development(經濟增長與發展)[選修] (1) $\Externality(界外效應) (1) $\Factors of Production(生產要素) (1) $\Fiscal policy(財政政策) (1) $\International Trade(國際貿易) (1) $\Market Structure(市場結構) (1) '待發佈 (1)

Youtube 頻道